Светскиот Македонски Конгрес (СМК) ги поддржува барањата за спроведување трет изборен круг во Струга, на кој на демократски и фер начин ќе се избере градоначалник на општината.
Во денешното соопштение, СМК подвлекува дека очекува Управниот суд да донесе одлука за прогласување на вториот круг од локалните избори во Струга за нелегитимен.
СМК изразува разочарување од партиските пресметки во Државната изборна комисија по приговорите за поништување на вториот круг од локалните избори во Струга поради прекршувања на изборниот законик, како што се семејно и групно гласање, нарушување на тајноста на гласањето, полнење на гласачки кутии, гласање во име на друго лице, како и попречување на работата на набљудувачите на изборниот процес.