Утрово околу 05 часот 49-годишниот Ѓ.Ѓ. од Битола пријавил во СВР Битола дека слушнал кршење на стакло и видел како гори пред влезната врата од објектот на Здружение на граѓани културен центар Иван Михајлов во Битола, лоциран на улицата Рузвелтова по што веднаш пријавил и во Територијалната против пожарна единица Битола, информира МВР.
Огнот е локализиран од страна на ТППЕ Битола, а увидната екипа на СВР Битола во координација со дежурен јавен обвинител од ОЈО Битола извршила увид и се преземаат соодветни мерки и активности за расчистување на случајот.