Новогодишната прослава во Скопје помина со многу слаба посетеност и празен простор на улицата кај Пела. Традиционална прослава во Скопје повеќе не се одржува на скопскиот плоштад како во сите метрополи откако од многуте споменици и градби не остана простор за ништо друго.
Иако беше најавувана како прослава по примерот на светските главни градови, на плоштадот „Пела“ во Скопје, присуствуваа едвај 300 луѓе и ниту од далеку не наликуваше на прославите во светските центри.
Скопјани и гостите што дојода да прослават во главниот град ги забавуваа македонските музички ѕвезди Дани, Маја Панчева, Ерик и Симона, Есма, Сузана Спасовска, Наум Петревски, Мустафа Имери, Даниел Кајмаковски и Куку леле, а Новата 2015 година ја дочекаа со песните на Елена Ристевска.
Фотографијата е направена во 23:15 часот