Спортско игралиште, со површина од околу 1.000 квадратни метри, опремено со реквизити за фудбал и за кошарка беше пуштено денеска во употреба во скопското село Јурумлери.
Игралиштето го отвори градоначалникот на Скопје, Коце Трајановски.
„Се надевам дека ова игралиште ќе биде место каде што жителите ќе се рекреираат, спортуваат, но и ќе се дружат”, рече Трајановски.
Спортското игралиште е со димензии 46 метри на 25 метри, целосно е оградено со метална ограда висока четири метри, а од страните каде што се головите оградата е висока шест метри.
Површината на игралиштето е покриена со песочен слој, а потоа екипи од општината одозгора поставија вештачка трева.