Во Скопје во изминатиот ден уште десетмина пациенти, на возраст од 40 до 93 години, починале како резултат на инфекција со коронавирусот, информираат од Министерството за здравство.
Во тој период, во главниот град се регистрирани нови 323 лица заразени со вирусот, а 349 пациенти оздравеле, покажуваат официјалните податоци.
Бројот на активни случаи во Скопје сега изнесува 11.527, а од почетокот на пандемијата, во главниот град се заразиле вкупно 32.942 луѓе.
Вкупната бројка на ковид дијагностицирани во целата земја од почетокот на епидемијата изнесува 76.251, бројката на оздравени пациенти е 52.413, на починати е 2.225, а бројот на активни случаи изнесува 21.613.