Денеска околу 6.10 чaсот во СВР Скопје е пријавено дека на булеварот „Киро Глигоров“ се случила сообраќајна несреќа.
Според пријавеното, 53-годишниот Б.С. застанал со своето возило „фиат пунто“ со скопски регистерски таблички, затоа што му пукнала гума, по што со друго возило дошол да му помогне 29-годишниот скопјанец Н.С..
Според пријавеното, додека се обидувале да ја променат гумата во нив удрило патничко возило „форд фиеста“ со скопски регистерски таблички, управувано од 18-годишниот Н.Л. од Скопје, кој го напуштил местото на настанот, но потоа се вратил без возилото, извести МВР.
На местото на настанот загинал Б.С., а Н.С. е пренесен во ГОБ „Св. Наум Охридски“.
Возилото „форд фиеста“ е пронајдено на булевар „АСНОМ“.
Извршен е увид и се преземаат мерки за расчистување на случајот.