Мобилната единица за безбедност во сообраќајот на патиштата изминатата вечер спроведе акциска контрола за санкционирање на возачи кои возат под дејство на алкохол во околината на Скопје при што вкупно се санкционирани 19 возачи, а кај еден возач кој бил запрен во општина Петровец биле измерени 3,7 промили алкохол во организмот.
Тој е исклучен од сообраќај и против него се поднесени соодветни поднесоци.
– Министерството за внатрешни работи продолжува со акциските контроли за санкционирање на сообраќајните прекршоци со цел подобрување на безбедноста во сообраќајот – стои во соопштението.