Скопјанец сакал да помине на Ќафасан со 17.770 непријавени евра, му ги фатила албанската полиција

Од:

Македонски државјанин е приведен на граничниот премин Ќафасан кај Струга, откако албанските погранични служби кај него откриле 17.770 евра, кои не ги пријавил.

– При влез во Република Албанија, во втората линија, за детална контрола на возилото марка „Фолксваген“, управувано од З.Н.(34), жител на Скопје, Северна Македонија откриени се 17.770 евра кои тој претходно не ги пријавил. Парите при контролата се пронајдени во чанта која била во возилото и се одземени како доказен материјал, стои во соопштението на албанската полиција.

Понатамошни активности биле извршени од специјалисти за истрага на криминал во полицискиот комесаријат Поградец, кои го привеле 34-годишниот скопјанец. Случајот е предаден на Обвинителството во Основниот суд во Поградец.

-Службите на Граничната полициска станица Ќафасан во соработка со царинските органи, како и на сите други гранични премини, во рамки на заложбите за спречување и сузбивање на незаконитост од секаков вид, реализираат зголемени контроли врз основа на анализа на ризик. Посебно во овој период кога фреквенцијата на патници и возила е видно зголемена, посочуваат од албанската полиција.

Би можело да ве интересира

Пронајдена дрога во Охрид, приведено едно лице

Ана Ололовска

Приведен дилер на дрога од кичевското село Гарани

Ана Ололовска

Пресметка со пиштоли и ножеви во Сарај, има ранети

Жарко Настоски

Голема полициска акција во Скопје, се апсат луѓе вмешани во трговија со оружје и дрога

Ана Ололовска

Приведен 17-годишен крадец од Скопје

Ана Ололовска

Жител на тетовско му дал „Пасат“ на наводен купувач, утредента го нашол во оглас на интернет

Жарко Настоски