Скопјанец повикан на информативен разговор поради говор на омраза за автобуската несреќа

Од:

Скопјанец е повикан на информативен разговор во полиција поради коментар на „Фејсбук“ кој содржи говор на омраза во врска со настраданите во автобуската несреќа во Бугарија.

Неофицијално, тој се правдал дека бил во алкохолизирана состојба кога го напишал спорниот коментар.

„Денеска (26.11.2021) од страна на Секторот за компјутерски криминал и дигитална форензика, по извршени оперативни проверки и активности, во соработка со полициски службеници од СВР Скопје извршен е информативен разговор во полициска станица со В.Е. од Скопје, поради основи на сомнение дека преку социјалната мрежа „Фејсбук“ објавил коментар кој содржи елементи на говор на омраза.

Имено, по добиена пријава за објавен коментар на профил на телевизиска куќа, кој се однесува на трагичната автобуска несреќа во која загинаа 45 државјани на РСМ, Секторот за компјутерски криминал и дигитална форензика презема мерки и активности и го утврди лицето кое стои зад напишаниот коментар со елементи на говор на омраза, а во соработка со полициски службеници од СВР Скопје беше утврдено дека ова лице е со место на живеење на подрачјето на СВР Скопје“, велат од МВР.

Од страна на Секторот за компјутерски криминал и дигитална форензика за случајот е испратено известување до Јавен обвинител од Основно јавно обвинителство Скопје, а по целосно расчистување и документирање ќе биде поднесен соодветен поднесок.

Би можело да ве интересира

17 казни за непропуштање пешаци на пешачки премин на територија на СВР Битола

А1он

47.095 евра, 603.000 денари и 250 швајцарски франци заплени Финансиската полиција при претрес на дом на лажен адвокат

А1он

Приведени тројца крадци од радовишко, фатени на дело

Ана Ололовска

Приведен разбојник, парите вратени на сопственикот

Ана Ололовска

Приведени двајца крадци од Скопје, одземеното вратено на сопственикот

Ана Ололовска

Казнети 16 возачи кои не дале предност на пешаци на територија на СВР Велес

А1он