Скопјанец поднесе пријава за повреда на избирачко право

Од:

Министерството за внатрешни работи информира дека граѓанин на општина Центар пријавил оти вчера за време на локалните избори член на избирачки одбор му ја зел личната карта и не му дозволил да гласа.

– На подрачјето на полициската станица Центар, лицето Д.С.(1967) поднел пријава против непознато лице член на избирачка комисија на гласачко место бр. 2867 во Скопје лоцирано во ОУ „Коле Неделковски“ поради постоење основано сомнение за сторено кривично дело „повреда на избирачко право“, се наведува во соопштението од МВР.

Д.С. пријавил дека вчера околу  17:30 часот со намера да го оствари своето гласачко право отишол на гласачкото место, но откако влегол на гласачкото место и ја дал личната карта на засега непознато службено лице кое што ги спроведувало изборите, настанала гужва на гласачкото место, по што при таа гужва службеното лице му ја одзело личната карта, ја ставило во џеб и му кажало дека не може да гласа, по што лицето ја напуштило просторијата и отишло во непознат правец.

Во соопштението се наведува дека од полициски службеници  се преземени мерки и дејствија и извршени се проверки кај полициските службеници кои што го обезбедувале процесот на гласање на гласачкото место 2867  и констатирано е дека полициските службеници кои што го обезбедувале избирачкиот процес, биле информирани за настанот на гласачкото место бр.2867, но од страна на претседателот на избирачкиот одбор, не е побарана полициска интервенција.

Д.С. настанот го пријавил и во Државната изборна комисија и Општинската изборна комисија „Центар“ каде поднел приговор за попречувањето на неговото избирачко право.

Од СВР Скопје во тек се проверки со цел расчистување на настанот.

Би можело да ве интересира

Јотова и Валчев водат со 2,7 процентни поени пред Ѓуров и Кандев

Горан Наумовски

Нови апсења во Србија поради планирање хаос за изборите: Приведен маж, пронајдени опасни предмети

ДИК: По пребројани 100 отсто од гласовите Радически од ВМРО-ДПМНЕ освои најмногу гласови, втор е Јахиј од НАИ

Предраг Петровиќ

Мицкоски: ВМРО-ДПМНЕ прогласи убедлива победа во Брвеница, 4 спрема 1, СДС декласиран

Предраг Петровиќ

СДСМ за Брвеница: Пад на гласовите на ВМРО и раст на гласовите на СДСМ за 46%

Партијата „Вреди“ не обезбеди пласман во втор круг од предвремените избори за Брвеница

Предраг Петровиќ