Основното јавно обвинителство Скопје, по спроведена претходна постапка, до надлежниот суд поднесе обвинение против едно лице за тешка кражба на златен накит од куќа во населбата Ченто.
Како што соопшти ЈО, обвинетиот, на 9 декември 2019 година, провалил во куќа на улица „Финска“, насилно отворајќи ја заклучената врата од балконот со нож и по кратко пребарување, одзел златен накит во вкупна вредност од 63.960 денари.
„Надлежниот јавен обвинител на Основниот кривичен суд Скопје му предложи да ја продолжи претходно определената мерка притвор за обвинетиот, бидејќи постојат околности кои што очигледно укажуваат на опасност од бегство“ се наведува во соопштението.