Возач од Скопје вчера попладне предизвикал сообраќајна несреќа во градот, по што избегал од местото. Откако подоцна тој и неговиот совозач биле запрени од полицијата, дрскиот возач со автомобилот удрил еден од полицајците и повторно избегал, соопшти МВР.
„На 22.07.2021 околу 17.00 часот на ул.„Пере Тошев“ во Скопје, полициски службеници од СВР Скопје запреле патничко возило „фолксваген голф“, со словенечки национални ознаки за кое добиле сознанија дека направило сообраќајна незгода на бул.„Никола Карев“ и го напуштило местото. Притоа, полициските службеници го лишиле од слобода совозачот В.Е.(43) од Скопје, додека возачот Р.Р.(45) од Скопје со возилото удрил еден од полициските службеници и се дал во бегство“, се вели во полициското соопштение.
Од МВР додаваат дека се преземаат мерки за расчистување на случајот, по што ќе биде поднесен соодветен поднесок.