Маж и жена претпладнево некаде околу 11:30 часот биле нападнати од непознати лица на патот измеѓу Охрид и Струга. Откако застанале со своето возило, неколку непознати лица се упатиле кон нив, по што ги нападнале. По нападот, машкото лице е на сила внесено во друго возило и одведено во непознат правец.
Физичкиот напад врз машкото и женското лице ни ги потврди портпаролот на СВР – Охрид, Стефан Димоски. Димоски додаде дека машкото лице по нападот насилно е внесено во едно возило и со голема брзина возилото го напуштило местото упатувајќи се кон Струга.
А1он дознава дека мажот и жената не биле во брачна врска и дека биле од Скопје. Полицијата се уште трага по киднапираното машко лице и работи на расчистување на случајот.
Ф.Ј.
