41-годишен скопјанец е приведен затоа што ја вознемирувал поранешната девојка информираат од Министерството за внатрешни работи.
-На 01.11.2022 во 03.20 часот на ул.„Христо Татарчев“ во Скопје, полициски службеници од Полициската станица Кисела Вода го лишиле од слобода Г.В.(41) од Скопје, затоа што околу 02.45 часот ја вознемирувал неговата поранешна 26-годишна девојка од радовишко село. При приведувањето, неговата мајка Л.В.(75) од Скопје се однесувала агресивно и ги попречувала полициските службеници во вршење на службеното дејствие се вели во соопштението од МВР.
По целосно документирање на случајот, против двајцата ќе бидат поднесени соодветни поднесоци.