Скопјанец измамил 18 граѓани – им ги купил колите преку неактивни фирми и не им ги платил

Од:

Во Кривичниот суд во Скопје со сведочење на двајца оштетени продолжи рочиштето за измама во предметот каде што биле измамени 18 граѓани кои ги продале возилата, а не им биле платени.

Прв пред судечкиот совет со кој претседаваше судијата Ѓоко Рисров, сведочеше оштетениот Арсен Арсовски кој рече дека објавил оглас на интернет дека продава возило марка “мини-купер”. На огласот се јавил обвинетиот Авдиљ Љимони и му дал 600 евра како капар за да го купи возилото. Љимони му ветил дека другиот ден ќе уплати 5000 евра на сметка, но тоа не се случило. Завериле договор за купопродажба на нотар, но оштетениот забележал следниот ден дека нотарот го заверил договорот со истечена лична карта на купувачот Љимони.

„Утредента не се јавуваше. Се јави по 3 часот и рече дека е по банки и дека следниот ден до 20 часот ќе ги уплати парите на мојата сметка. Потоа се јави брат му Фатмир за да ми каже дека ќе се исплатат парите, да не паничиме. Средства немаше и пријавив во полиција”, рече Арсовски.

Според обвинението на скопското Обвинителство, во периодот од мај до јули 2018 година, обвинетиот Авдиљ Љимони од Скопје ги довел во заблуда и измамил 18 граѓани претежно од Тетово и Струмица.

Обвинетиот Љимони преку јавни огласи наоѓал физички лица кои нуделе на продажба моторни возила. Откако ќе исконтактирал ги довел во заблуда дека треба да купи автомобил за фирмите, склучувал и заверувал договори за купопродажба, каде што како купувач се јавува тој, ополномоштен од фирми што немале банкарска сметка или биле неактивни.

По склучувањето на договорите, обвинетиот лажно им прикажувал на оштетените дека купопродажната цена ќе ја исплати истиот т.е. следниот ден, но тоа не се случило. Вкупната предизвикана штета во случајот е 7 милиони и 696 илјади денари или приближно 125 илјади евра. Љимони купил возила марка „БМВ“, „Опел“, „Мини-купер“, „Ауди А3“, „Форд“…

Васко Маглешов

Би можело да ве интересира

Кражбата во средното училиште во Охрид ја извршила ученичка

Момче од Кочани било измамено за 950 евра

Лажеле дека им била ограбена куќата, па заработија кривична пријава

Тетовка излажала познаник дека ќе се венчаат, па го ограбила

Горан Наумовски

Девет лица отишле да ја ограбат „Пелагонија“, натовариле три возила – фатени се на дело

Свештеникот од Солун е осомничен дека ги оштетил верниците за повеќе од еден милион евра