Нешто пред 20 часот партиски активисти биле забележани како влегуваат во гимназијата Кочо Рацин во Свети Николе. Симпатизери на друга партија забележале дека има народ во просториите во гиманзијата предвидени да бидат избирачки места и случајот го пријавиле во полиција.
Во меѓувреме, според информации на А1он, дел од триесетината партиски активисти кои биле начекани во гиманзијата успеале да избегаат но дел од нив сеуште се внатре, опколени од симпатизери на спротивната партија кои не им дозволуваат да излезат се додека полицијата не изврши увид.
На обидот на полицијата со кордон да ги изнесе оние кои биле затечни внатре, реагиреле од спротивниот табор по што дошло до краток судир со полицијата.
Тензијата пораснала уштте повеќе кога директорот на гимназијата дошол пред насобраните и им наредил да си заминаат бидејќи внатре според него се одржувале родителски совети. Тензијата сеуште трае, а насобраниот народ пред гимназијата се повеќе се зголемува.
Во меѓувреме директорот на гимназијата, ги заклучил сите врати во училиштето и не им дозволува ниту на полициските сили да влезат внатре.