Советот на јавните обвинители и Специјалното јавно обвинителство разговарале за барањето на Советот да ги добие списите по предметот „Пуч“, стои во соопштението на СЈО и Советот.
Истражителите од СЈО и членовите на Советот одлучиле ваквите средби да продолжат по потреба и во иднина.
СЈО минатиот месец се откажа од обвинителниот акт за „Пуч“, од причина што фактичката состојба прикажана во обвинителниот акт била во спротивност со доказите со кои ова Јавно обвинителство располага и со наодите во истражните постапки „Таргет“ и „Тврдина“.
Во „Пуч“, покрај лидерот на СДСМ Зоран Заев, обвинети беа и поранешниот разузнавач Зоран Верушевски, неговата сопруга Соња, општинскиот службеник од Струмица, Бранко Палифров и Ѓорги Лазаревски, вработен во МВР. Тие беа осомничени за шпионажа и за насилство спрема претставници на највисоките државни органи.