Системот партизиран, Антикорупциска не сака надлежности со кои би можела да апси и води истраги

Од:

Државната комисија за спречување корупција не сака зголемени надлежности со кои ќе може да апси и спроведува истраги. Претседателката Билјана Ивановска посочува дека ќе биде доволно само да се зголемат нивните капацитети за да можат побрзо и подобро да одговорат на сите предмети кои ги имаат. Според нејзе, работата на ДКСК оди во подобар правец откако е таа на чело на институцијата.

„Работите многу се променија во изминативе четири години, оставивме печат, горди сме. Нашиот труд го препозна ЕК, ја поправивме негативната оценка, добивме позитивна оценка. Но во борбата не можеме да бидеме сами. Институциите треба да постапуваат. Една птица не ја носи пролетта, цело е кога има се. Системот функционира кога функционираат сите делови“, кажа Билјана Ивановска, претседателка на ДКСК.

Децидна е дека има партизираност на системот и посочува: „Кога ја подготвувавме Националната стратегија за борба против корупција, ризикот од политичко влијание излезе најголем. Дадовме сугестии да се надмине“.

„Ако го погледнете нашиот закон, ние сме превентивно тело. Не постапуваме понатаму. По мене не треба да се зголемат надлежностите туку капацитетите на институцијата“, додаде Ивановска.

Би можело да ве интересира

Ивановска за кривичната пријава за несовесно работење: Секогаш сме пред една голема лекција за демократија

А1он

По реакцијата на Ивановска, дадена и е можност исказот во Обвинителство да го даде по изборите

Билјана Ивановска, кандидат на „Независни заедно“ за Центар заработи кривична пријава

Поранешната антикорупционерка Билјана Ивановска е кандидат за градоначалник на Центар од „Независни заедно“

Горан Наумовски

Антикорупциска отвори предмет за случајот со тендерите во Министерството за дигитална трансформација

Мицкоски: Со одлуката на ДКСК се потврдија лагите за Јован, го обвинија и го судеа без докази само затоа што ми е син