СИРИЗА бара активирање на групата за пријателство Северна Македонија – Грција

Од:

Активирање на парламентарната група за пријателство меѓу Северна Македонија и Грција и одржување тематски состаноци во областите од најголем интерес за двете соседни земји, бараат пратеници од СИРИЗА во писмото до претседателот на групата, пратеникот од Нова демократија Јоргос Влахос и до претседателот на грчкиот Парламент Костантинос Тасулас.

Дописот е од потпретседателот на групата за пријателство Северна Македонија- Грција, пратеникот од СИРИЗА Никос Папас и од поранешниот шеф на грчката дипломатија Јоргос Катругалос, кој воедно е и надлежен за надворешна политика во опозициската партија, а го потпишуваат вкупно 17 пратеници од СИРИЗА, членови на групата за пријателство меѓу двете земји.

– Со цел дополнително зајакнување на суштинската соработка меѓу двете земји, Ве молиме да преземете иницијативи за јакнење како на дипломатските така и на парламентарните односи меѓу Грција и Северна Македонија и бараме итно „активирање“ на групата за пријателство и одржување на тематски состаноци во областите од најголем интерес за двете соседни земји, пишуваат пратеници од СИРИЗА во дописот и додаваат дека тие ќе поддржат секаква иницијатива.

Групата за пријателство е формирана во март минатата година, но досега не е одржан ниту еден состанок иако, како што пишуваат пратениците од СИРИЗА, по Договорот од Преспа „се отвори ново поглавје во дипломатијата, надворешната политика и економската соработка меѓу двете земји“.

-Оваа нова реалност веќе ја прифаќа и Владата на Нова демократија, која изјавува дека го гарантира и почитува Договорот од Преспа, тврди дека тој мора да се почитува во целост и самата Влада ги признава огромните и повеќекратни придобивки што произлегуваат за нашата земја од спроведувањето на овој историски договор, пишуваат во дописот пратениците од СИРИЗА.

Групата за пријателство Северна Македонија – Грција во грчкиот Парламент брои 23 членови, од кои еден претседател, еден потпретседател и секретар.

Претседател е пратеникот од Нова демократија Јоргос Влахос, негов потпретседател е Никос Папас од СИРИЗА, а секретар пратеникот од Комунистичката партија Јоанис Делис.

Останатите 20 членови се 15 пратеници од СИРИЗА и пет од Нова демократија.

Би можело да ве интересира

По силниот земјотрес во Грција, тлото продолжува да се тресе

Два силни земјотреси ја погодија Грција

Горан Наумовски

Тело на мртов маж најдено во Јанина, околу главата и нозете му биле врзани вреќи со ѓубре

Горан Наумовски

Се урна грчки борбен авион, пилотот е спасен

Свештеникот од Солун е осомничен дека ги оштетил верниците за повеќе од еден милион евра

30.000 луѓе на улиците во Грција на годишнината од страшната железничка несреќа, избувна нереди