Актерката и професорка на ФДУ во Скопје, Синоличка Трпкова преку статус на Фејсбук се осврна на актуелната состојба во државава. Ви го пренесуваме во продолжение:
„Станавме земја без критериуми, затоа не нема подалеку од сопствените граници – немаме со што да конкурираме. Под многу нивоа сме на државен план, а алтернативата, која носи слободна мисла , се чува во затвор, под контрола од самата држава. Некомпетентни луѓе одлучуваат за нашата судбина, а народот ги прима нивните одлуки здраво за готово.
– Незнаењето и простотилукот во комбинација со партиската послушност се синоним за успех. Ентузијазамот е со одамна изминат рок. Тие што сеуште имаат сила и надеж – емигрираат. На останатите им збогтиса од лажги и си го прифатија камшикот на ДПМНЕ како судбина.
– Останаа поединци да бараат парче слобода и надеж. Дел од нив, со време, веројатно ќе замине. Полека стануваме „музеј земја“, – последен проект на владата на РМ“, напиша Трпкова на Фејсбук.