Синдикатот на македонската дипломатска служба даде отворена поддршка на Самостојниот синдикат на Клинички центар и на сите здравствени работници „во настојувањето по легален и демократски пат да обезбедат учество во донесувањето одлуки во однос на регулирање на нивната професија“.
Од овој синдикат со соопштение пишуваат дека актуелниот штрајк е извонредно храбар. Го осудуваат потегот на судот кој го забрани штрајкот и наведуваат дека секој реформски зафат е осуден на неуспех доколку се наметнува, без консултации и договор со професионалците на кои тие реформи се однесуваат.