Доаѓа крајот на политичките глумци на Балканот, на импровизаторите, потребен е радикален пресврт, тоа значи поразличен ков на политичари, луѓе спремни на жртви и спремни да го вложат своето знаење.
Ова се темите околу кои разговаравме и се согласивме на заедничката средба со Димитар Апасиев од „Левица“, изјави кандидатката за претседателка од ВМРО-ДПМНЕ и коалицијата Гордана Сиљановска-Давкова.
Во однос на потребниот цензус во вториот круг, Сиљановска рече дека очекува да биде постигнат бидејќи сите страни сметаат дека бојкотот на изборите е лоша опција и додаде дека, сепак, треба да се следат препораките на Венецијанската комисија во насока на тоа дека нема потреба од цензус во втор круг.
Од „Левица“ порачаа дека имаат точки кои ги поврзуваат како Преспанскиот договор.
Апасиев најави дека до предизборниот молк ќе одлучат во органите на партијата дали отворено ќе дадат поддршка за Сиљановска или ќе останат на антибојкот позиција.
Галена Николовска-Ризвановиќ