Силјановска-Давкова: ВМРО-ДПМНЕ ќе почне од правото и правдата, тоа го бара ЕУ

Од:

Гордана Силјановска Давкова, носител на листата на кандидати за пратеници во ИЕ 1 на коалицијата предводена од ВМРО-ДПМНЕ, денеска посочи дека правото и правдата се клучни елементи и затоа мора да се почне со нив и да се стави акцентот во овие области.

Говорејќи за актуелната политичка ситуација, Силјановска рече дека е крајно време со политика да се занимаваат луѓе кои се реализирани, кои не се корумпирани, кои не се криминализирани.

„Првото нешто што ни го бара Европската унија е владеење на правото, затоа мора се да почне оттука. Тоа е клучно. Се ќе биде поинаку ако во Собранието седнат луѓе со знаење, ќе можеме со аргументи да правиме консензус за политики“, кажа Силјановска.

Професорката се осврна и за тоа кога еден јазик станува официјален во ЕУ.

„Тоа е редовна процедура. Во ЕУ постои рамка за употреба на јазиците, што значи тоа – кога ќе завршат преговорите се пристапува кон склучување на договор,  тоа е прво ниво, второ ниво е регулатива број 1 од 1958 година и на таа регулатива се поднесува амандман за јазикот на државата која влегува во ЕУ. И со овој последен чекор или со амандман јазикот на државата која станува полноправна членка во ЕУ станува и официјален јазик во ЕУ“, рече Силјановска која укажа дека мултилингвализмот е главно во Европскиот парламент, а оти другите институции на
ЕУ  секоја има различно утврдени официјални јазици.

Би можело да ве интересира

Каевски: ДПМНЕ излажа за потписите за Силјановска

Кузеска: ДПМНЕ не собрале потписи за Силјановска, немаат поддршка од граѓаните

Пендаровски: Дали ВМРО воопшто собра потписи за Силјановска како што тврдеше

Катерина Ѓуровски

Тасевска: Силјановска да им се извини на пенизонерите за навредите со Мапет шоу

Каевски: Силјановска треба да им се извини на пензионерите за навредите дека се Мапет шоу

Каевски: Силјановска е продолжена рака на Мицкоски