Земјотресот со локална Рихтерова магнитуда од пет степени е регистриран рано изутринава во 04 часот и 54 минути во епицентралното подрачје Тетово-Гостивар на 50 километри југозападно од Скопје.
Според првичните епицентарот на земјотресот е во селото Леуново, во близина на Маврово, на длабочина од 8,5 километри.
Сеизмолошката опсерваторија при Природно-математичкиот факултет во Скопје соопшти дека земјотресот најсилно беше почувствуван од населението во Гостивар и Маврово со пет степени според Европската макросеизмичка скала, во Тетово и Скопје со четири, а во Битола, Прилеп и околината со три степени.