Швајцарска поддршка за заштита на еко системот на Преспанско Езеро

Од:

Швајцарија преку Швајцарската агенција за развој и соработка обезбеди пет милиони швајцарски франци за реализација на проектот за еко-системот на Преспанското Езеро.

Проектот ќе се спроведува во наредните шест години од страна на Програмата за развој на Обединетите нации (УНДП) во соработка со Министерството за животна средина и просторно планирање и Општина Ресен.

За таа цел денеска во МЖСПП беше потпишан Меморандум за соработка од страна на министерот за животна средина и просторно планирање Абдилаќим Адеми и амбасадорот на Швајцарија Стефано Лазарото.

– Преспа стана пример за регион кој активно се залага за зајакнување на природните вредности преку спроведување на бројни позитивни иницијативи. Новиот проект се надоградува на претходните резултати и има потенцијал да донесе бројни придобивки за одржлив развој на езерото и на целиот регион, истакна министерот Адеми по потпишувањето на Меморандумот.

Швајцарскиот амбасадор појасни дека ќе ги поддржат мерките со кои ќе се подобри квалитетот на езерото и оти ќе обезбедат и поддршка за подобрување на квалитетот на јавната администрација.

Проектот содржи и компонента со која ќе се обезбеди поддршка на Министерството за животна средина и просторно планирање во спроведувањето на Законот за води. Идејата е да се ангажира на долгорочна основа советник кој ќе помогне во подобрување на спроведувањето на законот.

Би можело да ве интересира

Беснее пожарот во Националниот парк „Преспа“, тешко оди неговото локализирање

„MEET Преспа”– фестивал што ги обединува културите во регионот утре во Пустец

А1он

Пожарот околу Преспанско езеро е ставен под контрола

А1он

Легендарниот германски актер и режисер Брајан Мајклс добитник на наградата за животно дело Актер на Европа 2025 на Интернационалниот театарски фестивал во Преспа

Шукова: Еколошка катастрофа и труење на реките, храната под ризик

Предраг Петровиќ

Еко-манипулација: Новите рудници ќе работат под еколошки стандарди и се ќе биде чисто, зелено и еколошки

Предраг Петровиќ