На плоштадот „ВМРО“ во Скопје, пред седиштето на ВМРО-ДПМНЕ, на камерите од видео надзорот биле забележани две странски лица кои оставиле сомнителен куфер, потврди Министерството за внатрешни работи.
Според информациите, станува збор за швајцарските државјани Рафаел С. (роден 1987) и Вивиан С.Х. (родена 1985), кои во земјава влегле на 1 октомври со летови од Цирих.
Куферот бил оставен пред канцелариите на ЈП „Државни патишта“ на плоштадот „ВМРО“. По пријавата, полициските екипи веднаш го обезбедиле местото и спровеле проверки, со што било утврдено дека куферот е празен.