Машиновозачите и вработените во „МЖ Транспорт“ АД Скопје, од вечерва се во штрајк, а железничкиот внатрешен сообраќај е веќе во прекин.
Синдикатот, објави Актуелно.мк бара редовна исплата на платата, навремено добивање сини картони и повлекување на тужбите против машиновозачите.
„Наместо една година бенифициран стаж на секои три години, сега добиваме една година на секои четири години. Машиновозачите кои секојдневно се изложени на стрес многу тешко можат да задржат прва здравствена група“, велат револтираните машиновозачи.
Најавуваат дека не сакаат да направат штета на МЖ Транспорт АД Скопје. Сите товарни и меѓународни возови ќе ја однесат стоката до крајната дестинација.
Штрајкот ќе трае додека не се исполнат нивните барања.
