Полицијата го приведе мажот кој вчера на Бадник со огнено оружје повреди две лица во селото Луковица кај Македонска Каменица.
Според информациите од Министерството за внатрешни работи, 46-годишниот В.М. со ловна пушка пукал во 39-годишниот В.М. и 19-годишнта девојка А.К., сите од истото село.
Двајцата повредени веднаш биле пренесени во Медицински центар Кочани, од каде поради сериозноста на повредите биле препратени во Клинички центар Скопје.
По пријава на случајот, полициски екипи од пронашле и привеле напаѓачот, а се превземаат и мерки за целосно расчитување на случајот.
