Штипската пајак служба ќе профункционира по Божиќ

Од:

Штип добива пајак служба. Директорот на ЈП „Стипион“, Сашко Протогеров вели дека од осми јануари во функција се става пајак возилото. Екипа на ЈП Стипион“-Штип заедно со полициски службеници ќе излезат на терен и ќе собираат непрописно паркирани возила низ централното подрачје, но и низ населбите.

– Направен е целосен сервис на возилото, а исто така има и А-тест. Двајца вработени ќе работат со него – еден возач и едно лице од службата на наплата на паркинг. Тие, исто така, ги поминаа потребните обуки. Ова возило го добивме донација од Град Скопје, вели Протогеров.

Општина Штип додели и локација, каде ќе се носат возилата, кои ќе ги собере пајак службата. Станува збор за улицата „Партизанска“, локацијата е  стара картонажа, или на штипјани позната како под стариот диспанзер. Штип низ централното градско подрачје има паркинг места, кои се наплаќаат, но  досетливи граѓани наместо да плаќаат паркинг своите возила ги паркираат низ споредните улички, кои вообичаено се тесни или пак жителите на истите имаат секојдневни проблеми со паркирањето на нивните возила.

Во текот на годинава Штип ќе го зголеми и бројот на паркинг места во централното градско подрачје, со изградбата на новата платформа над коритото над река Отиња, кај Здравствениот дом. Со оваа платформа се добиваат дополнителни 45 паркинг места, а средства за нејзина изградба ќе се обезбедаат преку Програмата за рамномерен регионален развој од Бирото за рамномерен регионален развој и од буџетот на Општина Штип. Се проценува дека изградбата ќе чини околу 18 милиони денари.

Би можело да ве интересира

Сообраќајка во Штип: Со автомобил удрил во три паркирани возила, а повредил и пешак

Горан Наумовски

Во Штип се одбележаа 81 година од депортацијата на Евреите во логорот на смртта „Треблинка“

Кривична пријава против 26 лица, го оштетиле Буџетот на општина Штип за над 18 милиони денари

Штипјанец физички ја нападна поранешната девојка и нејзиното момче

А1он

Најдена дрога при претрес на куќа во Штип, меѓу приведените и 22 годишна девојка

А1он

Поради паричен долг млад штипјанец со пиштол пукал во сограѓанин