На шеесет и деветгодишниот скопјанец Д.Д, кој бил на гости во Штип, му е запален автомобил „мерцедес“.
Според полицијата во Штип, сторителите првин ја скршиле возачката врата, а потоа уфрлиле ткаенина премачкана со запалива течност, како и дел од автомобилска гума.
Огнот го забележале случајни минувачи, кои заедно со соседите не можеле да го изгаснат. Речиси целосно изгорела внатрешноста на автомобилот.
Полицијата работи на расветлување на случајот и на откривање на сторителите.
