По речиси 20 години во Штип деновиве ќе се спроведе превентивна дератизација. Според надлежните во Општината, одлуката за спроведување на дератизацијата е донесена со цел превентивно да се дејствува и на тој начин да се спречи зголемувањето на бројот на глодари, а со тоа да се заштити населението од заразните болести што ги пренесуваат овие штетници.
Најповолниот изведувач е избран преку јавен тендер, кој беше распишан на 29 јули. Со дератизацијата ќе бидат опфатени 86 шахти низ градот, како и на излезната шахта на колекторскиот систем, кој се слева во река Брегалница, а постапката ќе се повтори двапати.
Според најавите од Општината, дератизацијата треба да се спроведе на 21 септември (сабота), во периодот од 4 до 7 часот наутро.
Според информациите со кои располага Центарот за јавно здравје во Штип, последната системска дератизација во Штип е спроведена во далечната 1995 година.
М.Р.
