Штип со два проекта ќе аплицира за Програмата за меѓугранична соработка со Бугарија

Од:

Општина Штип на вториот повик за Програмата за меѓугранична соработка Македонија-Бугарија ќе аплицира за добивање на два проекта, едниот за реконструкција на детската градинка „Пчелка“, а вториот за набавка на специјализирано возило за гаснење на шумски пожари и на заштитна опрема за пожарникарите.

Александар Арасовски од Одделението за локален економски развој во општина Штип на денешната Комисија за урбанизам на Советот на општината, истакна дека е потребна согласност од Советот за овие два проекта.

– Проектот за детската градинка „Пчелка“ предвидува комплетно внатрешно уредување и поставување на топлинска и звучна изолација, нов котел за греење, наместо греењето на примитивен начин со ќумбиња на дрва, во секоја училница или занимална посебно. Таму се предвидува целосна нова инсталација на пелети и поставување на соларни панели за добивање топла вода за потребите на градинката, изјави Арсовски.

Проектот за реконструкцијата на детската градинка „Пчелка“ е во вредност од 200.000 евра, а проектот за набавка на противпожарно возило за шумски пожари, опрема и обуки за пожарникарите и граѓаните ќе чини околу 210.000 евра. Општините до 11 мај 2018 година треба да ги достават Предлог-проектите за добивање на средства од ИПА фондовите на ЕУ.

Би можело да ве интересира

Се претставуваат како спасители на повредени роднини и им ги земаат заштедите на повозрасните

Во штипско Ново Село панихида за Тодор Александров, се одбележаа 102 години од неговото убиство

Штип е без вода, филтер станицата e исклучена поради екстремна заматеност од синоќешното невреме

Горан Наумовски

Се претставил како директор, па ја измамил за илјадници евра

Горан Наумовски

Клековски: Формирана e комисија за надзор над случајот со родилката од Штип, ќе се вклучат двајца странски стручњаци

Горан Наумовски

38-годишен штипјанец почина во својот дом

Горан Наумовски