Општина Штип ќе бара пари од Министерството за животна средина за изградба на главна водоводна линија до штипското село Чардаклија, со што до домовите на жителите ќе пристигнува квалитетна вода за пиење од Филтер станицата.
Александар Арсовски вработен во Општина Штип истакна дека проектот е дел од обезбедување на квалитетно водсонадување на населените места Балканска, Македонка и Чардаклија.
– Станува збор само за кракот, изградба на главна водоводна линија до селото Чардаклија. Вкупната вредност на оваа фаза изнесува 6.960.659 денари без ДДВ, од Министерството за животна средина ќе бидат побарани 59 % од вредноста на проектот, додека како сопствено учество општината бара одлука на Совет за 41%, вели, Арсовски.
Тој појаснува дека учеството на општината ќе биде реализацијата на земјените, бетонските, армирачките работи, како и изградба на типски објекти и монтажата, а ќе ги работат екипите на двете штипски јавни претпријатија. Со реализацијата на овој проект ќе се овозможи жителите на селото Чардаклија да пијат питка вода за пиење.
