Шпански државјанин заработи обвинение за продажба на хероин и кокаин во Скопје. Тој е притворен, а Јавното обнителство бара продолжување на мерката поради опаснист од бегство, но и можност да го повтори делото.
Од Јавното обвинителство денеска информираа дека ОЈО Скопје поднел Обвинителен акт против 35-годишен шпански државјанин со престојувалиште во Скопје дека сторил кривично дело – Неовластено производство и пуштање во промет наркотични дроги, психотропни супстанции и прекурсори.
Обвинетиот, на 28 октомври на улицата „Цветан Димов“ во Скопје, во внатрешниот лев џеб на јакната заради продажба неовластено држел едно полиетиленско пакување наркотична дрога – хероин во вкупна нето маса од 10,39 грама и две полиетиленски пакувања наркотична дрога – кокаин во вкупна нето маса од 0,70 грама. Дрогата била пронајдена и одземена при рутинска контрола и личен претрес на осомниченото лице.
-Јавниот обвинител достави предлог за продолжување на претходно определената мерка притвор за обвинетиот, бидејќи постојат околности што укажуваат на опасност од бегство, како и особени околности кои го оправдуваат стравот дека ќе го повтори кривичното дело, се наведува во соопштението на обвинителството.
