Претседателот на советот на општина Центар, Мирослав Шиповиќ пред почетокот на седницата се обрати до јавноста и рече дека работи според Законот и дека нема да гласа за, како што рече, криминалниот проект „Скопје 2014“.
Она што не сакаше да одговори, Шиповиќ, е дали ќе го поддржи планот за изградба на 10-катница на Водно.
Шиповиќ кажа дека нема да дозволел неговото семејство да биде заложник на политичките игри и дека доколку сакал пари, тоа ќе го сторел на почетокот, кога дошол во општината.
„Јас не подлегнувам на притисоци од ниту една страна и тоа сум го докажал. Работам според Законот и позитивната законска регулатива“, рече Шиповиќ, мислејќи на ДУП-овите, за кои кажа дека има законска обврска да ги стави на дневен ред.
СДСМ уште вчера кажа дека Шиповиќ е под голем притисок за да гласа за ДУП-овите, посебно за изградба на 10-катницата на Водно.
П.П.