Денеска граѓаните се сведоци за тоа кој сака да ја продолжи кризата. Реплицирањето сами на себе е кршење на деловникот, рече пратеникот на СДСМ, Петре Шилегов.
Тој нагласи дека парламентарното мнозинство нема да дозволи блокирање на Собранието, бидејќи со тоа ќе колабира системот.
На новинарско прашање кој е кандидат за претседател на парламентот Шилегов истакна дека тие ќе го поддржат Талат Џафери од ДУИ.
– Апелираме да прекине кршењето на деловникот, единствената платформа на ВМРО-ДПМНЕ е кршење на Уставот. Ние мора да одбереме претседател на Собранието, во спротивно ќе бидеме учесници во разнебитувањето на Македонија, рече Шилегов.
Тој кажа дека надвор од секоја пракса и логика е ВМРО-ДПМНЕ да бара претседател и мнозинство во Комисијата за избори и именување. Според Шилегов, ВМРО-ДПМНЕ бега од одговорност која неминовно им следи.