Пратеникот на СДСМ, Петре Шилегов од собраниската говорница му порача на државниот јавен обвинител Марко Зврлевски дека свесно го застарел случајот со земање мито од Македонска банка.
Според него, Зврлевски ја има вината и за тоа што не се презело речиси ништо за упадот во Собранието на 27. април, за Актор и за многу други случаи.
Шилегов обвини дека пратениците од ВМРО-ДПМНЕ се способни повторно да ги внесат насилниците кои тепаа пратеници и новинари на крвавиот четврток со цел да не се разреши Зврлевски.
Тој кажа дека го знае обвинителот откако е адвокат, но дека сега застанал на страна на како што рече, криминалната врхушка која мора да се отстрани.
