Пратеникот на СДСМ, Петре Шилегов, го потсети Трајко Вељаноски дека е должен да ги исклучува говорниците кои се надвор од точката на дневен ред.
– Дозволивте да се развие лакрдија на други теми кои не се прашање на дневен ред со цел преку онаа мала сламка за спас, политички на претседателот на партијата на која припаѓате да му овозможите да ја развие во јавноста, рече Шилегов.
Тој кажа дека пратениците од ВМРО-ДПМНЕ имаат третман на полуписмени пратеници зошто мораат да го кажат она што им е напишано.
– Има некој пописмени од полуписмените политичари, па тие го водат орото. Македонија нема да исчезне, ќе исчезне груевизмот кој ве тера да глумите полуписмени пратеници, рече Шилегов.