Премиерот, Никола Груевски, на вчерашното сослушување пред Анкетната комисија одбил да одговори на прашањата поврзани со содржината на објавените „бомби“, изјави денеска претседателот на Комисијата, Петре Шилегов. Како што рече, не може да открие ништо повеќе затоа што седницата беше затворена за јавноста по барања на Груевски.
Поради реализираното барање на премиерот да одговара пред Комисијата на затворена седница, Шилегов вели дека Анкетна не ја исполнува својата функција.
-За жал не можам да дадам преодна оцена за работата на Анкетната комисија. Причина за тоа е што еден од главните актери во „бомбите“, Никола Груевски, одби да сведочи на јавна седница – рече тој.
За денешното непојавување на Миле Јанакиески пред пратениците, Шилегов изјави дека стратегијата на ВМРО-ДПМНЕ е јавноста да не ги слушне одговорите на функционерите за содржината на „бомбите“ и дека „прават се за да ја реметат работата на Комисијата и да ги затворат седниците.“
Меѓу следните сведоци ќе биде и лидерот на опозицијата, Зоран Заев. Шилегов вети дека неговото сведочење ќе биде на јавна седница, отворена за медиумите.
Маја Васева