На булеварот „Партизански одреди“ во Скопје, вчера околу 21 часот се случила сообраќајна несреќа помеѓу „алфа ромео“ управувано од А.С.(23) од Скопје и возило „тојота аурис“ управувано од Б.Н.(29) од Скопје.
Во несреќата со тешки повреди се здобиле сопатничките во возилото „алфа ромео“, М.К.(21) и К.М.(18), двете од Скопје, додека двајцата возачи и сопатниците од возилото „тојота“ Љ.Ј.(62) и Р.Ј.(34) од Скопје се здобиле со повреди констатирани во Градската општа болница „8 Септември“ и Комплексот клиники „Мајка Тереза“.
Увид на местото извршила екипа од СВР Скопје.