Шестгодишниот Марко кого вчера мајката го фрли од четвртиот спрат од зградата во Хиподром е свесен и е во стабилна состојба, но се уште е на интензивна нега, велат од Клиниката за кардиоваскуларна хирургија.
Од клиниката информираат дека вчера на Марко му бил направен оперативен зафат по компјутерската снимка, по што ситуацијата останала стабилна, а детето утрово повторно се освестило.
Според информациите од КАРИЛ, мајката е на интензивна нега во многу лоша состојба и лекарите будно го следат нејзиниот случај. Од клиниката велат дека подетални информации за нивниот случај ќе можат да дадат подоцна или во текот на утрешниот ден.
Александар Тодески
