Шест отсто од тестираните позитивни на Ковид-19

Од:

Бројките покажуваат стивнување на епидемијата со коронавирусот. Вчера од направени 3.108 тестирања само 198 биле позитивни, што е шест отсто од тестираните. Пред извесно време тој процентот се движеше над 25. Се намалува и бројот на починати. Вчера се регистрирани 12 лица кои не ја добиле битката со Ковид-19. Најмладиот е на 37 години од Крушево. Регистрирани се и 333 оздравени пациенти.

Досега во земјата се направени вкупно 738.012 тестирања на Ковид-19.

Вкупната бројка на ковид-дијагностицирани лица во нашата земја од почетокот на епидемијата изнесува 153.891, бројката на оздравени пациенти е 137.664, на починати е 5.079, а бројот на активни случаи изнесува 11.148.

Според епидемиолошки анализи, во моментов најмногу активни случаи има во Скопје – 5099, следува Куманово – 900, Битола – 725, Прилеп – 444, Тетово – 447, Охрид-406. Во другите градови се под 400 активни случаи.

Се намалува бројот и на хоспитализирани. Ако кон крајот на април во болниците имаше околу 1300 пациенти кои се лекуваат од Ковид-19, сега има вкупно 806. Во Скопје се лекуваат 340 лица, а во болниците низ државата 466 пациенти. Има околу 864 празни болнички кревети.

Би можело да ве интересира

Активни 413 случаи со Ковид-19, вакцинирани 265.164 граѓани

Ана Ололовска

„Авицена лабораторија“ ги намали цените на тестовите за Ковид-19

Жарко Настоски

10 нови случаи на Ковид-19, нема починати лица

Ана Ололовска

Десет нови хоспитализирани пациенти во ковид центрите во Скопје и во земјава за 24 часа

Ана Ололовска

ЕУ ја стави Македонија на листата безбедни земји од Ковид-19, уште 421 активен случај во државата, вчера ниту еден починат

Ана Ололовска

Филипче: ЕУ ни олеснува поради подобрената ковид-ситуација, но пандемијата сѐ уште не е завршена

Жарко Настоски