Шест лица се задобиле со телесни повреди во сообраќајката што вчеравечер се случила на влезот на село Доброште на регионалниот пат Тетово-Јажинце, информираше портпаролот на СВР Тетово Марјан Јосифовски.
Во сообраќајната несреќа учествувале патничко возило „Голф“ со тетовски таблици управувано од Б.М.( 43 ) од Мала Речица и „Застава 101“ исто така со тетовски таблици што ја управувал С.А.( 31 ) од Одри.
– Во несреќата возачот на „Заставата“ и пет сопатници од двете возила се задобиле со телесни повреди по што биле пренесени во Тетовската клиничка болница, а тројца од нив биле задржани за натамошна обсервација, рече Јосифовски.
Извршен е увид и се утврдуваат причините за несреќата.
