Само во првите неколку дена ВМРО-ДПМНЕ за нивната изборна кампања потроши стотици илјади евра, рече за А1 Радмила Шеќеринска од СДСМ. Според неа срамота е кога во една држава, обвинителството да не си постави едно основно прашање како е возможно партија која три години должи повеќе од 3 милиони евра, сега да води уште поскапа кампања.
„Секоја втора страница на сите весници е закупена од нивна страна, на сите телевизии не бомбардира Никола Груевски. Веќе се плашиме дека и фрижидер ако отвориме да не излезе Никола Груевски. Срамота е кога во една држава, обвинителството да не си постави едно основно прашање-како е возможно партија која три години должи повеќе од 3 милиони евра, сега да води уште поскапа кампања? За жал, нашето обвинителство кое ќе ве однесе во затвор ако украдете леб , никого не го смета за одговорен за украдени 3 милиони евра“ рече Шеќеринска.
Овие прашања треба да се постават на вистинска адреса, а тоа е Владата на Македонија, вели Шеќеринска.
Мики Трајковски