Додека ВМРО-ДПМНЕ велеа дека сите пари мора да одат на споменици и статуи, ние покажавме дека парите можат подобро да се инвестираат, во патишта, градинки, училишта, рече вечерва заменик претседателката на СДСМ Радмила Шекеринска во Свети Николе.
„За само 2.5 години изградивме и обновивме над 500 километри патишта, изградивме или реконструиравме над 43 нови градинки. Затоа што ние сме фокусирани на вистинските приоритетите. Над 300 милиони евра се влезени од државата во земјоделието, кои не треба да ги гледаме како трошок, туку како шанса граѓаните да добијат повеќе, да инвестираат и да добијат поквалитетно и подобро производство. Тоа е прав пат“, истакна Шекеринска.
Таа кажа дека цели 11 години ВМРО-ДПМНЕ биле против парите да завршуваат назад кај граѓаните.
„И денес во Собранието тие се под истата деструктивна матрица, тие не гласаат за законите за покачувањето на минималната палата“, рече заменик претседателката на СДСМ.
Зборувајќи во салата на Домот на културата Шекеринска рече дека за само 2.5 години СДСМ ја покачи минимлната плата за 5.500 денари а просечната плата за над 2.000 денари.
„За само 2.5 години ние ја покачувме минималната плата за 5.500 денари. За една година, тоа се повеќе од 60 илјади денари за еден работник само поради тоа што се покачила минималната плата. Просечната плата ја зголемивме за 2 илјади денари, тоа се дополнително 24 илјади повеќе кај граѓаните. Е тие Закони ВМРО-ДПМНЕ се обидува да ги блокира. Не дозволуваа 11 години да се обезбеди пораст на платите, сега повторно се трудат да блокираат. 11 години велеа дека стечајците не може да се решат еве ние ги решивме, успеавме за само 1.5 година. Не може една партија да го бара вашиот глас ако се бори против најзагрозените граѓани, ако е против покачување на платите и против стечајците“, рече Шекеринска.