Шекеринска од Вашингтон: Ќе побараме силна поддршка од САД за продолжување на нашиот европски пат

Од:

Министерката за одбрана Радмила Шекеринска денеска ја почна работната посета на Соединетите Американски Држави, која е прва на претставник на Владата на Северна Македонија по смената на американската администрација и доаѓањето на новиот американски претседател Бајден.

Како што соопшти Министерството за одбрана, Шекеринска порача дека посетата ќе ја искористи да ги пренесе пораките кои се важни за Северна Македонија и уште еднаш да се потврди интензивното, стратешко партнерство и сојузништво помеѓу двете земји.

– Ова е прва посета на претставник на нашата Влада, Владата на Република Северна Македонија, на нашиот стратешки партнер, САД, по промената на администрацијата, односно по изборот на новиот американки претседател Бајден и затоа е многу важно што ќе имаме прилика на овие средби кај сите претставници и на Пентагон и на американскиот Стејт Департмент да ги испратиме за нас важните пораки. Првата таква порака е дека како држава покажавме дека и по нашето членство во НАТО ние сме сојузник на кој и НАТО и Соединетите Американски Држави можат да сметаат, рече министерката Шекеринска.

Таа истакна дека соработката која до членството на Северна Македонија во Алијансата имаше една клучна цел – членството во НАТО, денеска влегува во нова фаза, каде двете земји како сојузници во Алијансата разговараат за теми кои се важни за земјите, но и за регионот и за светот.

Министерката порача дека од американските претставници во Пентагон и во Стејт Департментот ќе побара новата американска администрација предводена од претседателот Бајден да го задржи фокусот и интересот кон Балканот, како и дека ќе биде побарана и силна поддршка од САД за интензивирање на нашиот европски пат.

– Само целосна Европа, само обединета Европа, само Балкан интегриран во Европа може да гарантира безбедност и сигурност на целиот регион, а тоа е целта и на НАТО и на Европската Унија и на сите нас коишто сме дел од евроатлантското семејство, порача министерката во видеообраќање.

Би можело да ве интересира

Пекинг му порача на Бајден: Не се обидувајте да не тестирате, Тајван е дел од Кина

А1он

Камилов: Узбекистан нема да распореди американски воен контингент на своја територија

А1он

Остин одби да „шпекулира“ за американската интервенција во одбрана на Тајван

А1он

Многу повеќе Американци добиваат засилувачка вакцина од оние кои се решиле на прва доза

А1он

ФТ: Инфлацијата во САД се искачува на највисоко ниво во последната деценија, притисок врз ФЕД

Ана Ололовска

Пентагон: САД спроведе успешно тестирање на компоненти од програмата за хиперсонично оружје

Ана Ололовска