Шекеринска и Димитров на средба со Палмер: Местото на Северна Македонија е во НАТО и ЕУ

Од:

Mинистерката за одбрана, Радмила Шекеринска и министерот за надворешни работи, Никола Димитров, денеска на маргините на Бледскиот Стратешки Форум остварија средба со Метју Палмер, специјален претставник на САД за Балканот.

На средбата, било разговарано за динамиката на процесот на зачленување на Северна Македонија во НАТО и севкупното значење од интегрирањето на земјата во Алијансата, како и отпочнувањето на преговорите со ЕУ, за регионот и пошироко. Биле разменети мислења и за внатрешно политичките актуелности во земјата, а се разговарало и за случувањата во соседството.

-САД силно ја поддржуваат Северна Македонија во реализацијата на своите стратешки цели – полноправното членство во НАТО и отпочнувањето на преговорите со ЕУ. Северна Македонија постави пример во решавањето на политичките прашања и отворањето на подобри перспективи за своите граѓани. Криминалот и неговите протагонисти ќе бидат казнети без исклучок, неказнивоста во земја членка на НАТО со европска иднина, не е опција, кажал Палмер.

Министерката Шекеринска се заблагодарила на конзистентната поддршка од САД за членството на нашата земја во ЕУ и НАТО и потенцирала дека владата нема да дозволи ништо да застане на патот на интеграциите во НАТО и ЕУ.

-Оваа генерација политичари го направи чекорот за својата земја, го обезбеди членството во НАТО и го заслужи почетокот на преговори со ЕУ следниот месец. Тоа е патот по кој одиме, каде нема место за калкулации со одговорноста. Предметите на СЈО ќе имаат пресуди, секој што се огрешил пред Законот ќе одговара, без исклучок, рече Шекеринска.

Специјалниот претставник на САД, за Западен Балкан повтори дека правната држава мора да функционира, а времето на партиските игри и обиди да се избегне одговорноста е завршено. „Местото на Северна Македонија е во НАТО и ЕУ“, рече Палмер.

-НАТО промовира стабилност и во време на неизвесност, мудро е да го забрзаме процесот на интеграција за да го зацврстиме регионот и да го прифатиме своето европско ветување, истакна Димитров.

Би можело да ве интересира

Вучиќ со одговор за Палмер: Ми личи на шега барањето да го признаеме Косово

Палмер денеска во Приштина, средби со Тачи, студентите и граѓански активисти

Ана Ололовска

Метју Палмер во посета на Скопје

Ана Ололовска

САД и ЕУ подготвуваат стратегија за борба против Русија на Балканот

Палмер: Договорот предвидува меѓусебно признавање на Косово и Србија и не исклучува промена на границите

Шекеринска-Шанахан: Потврдено стратешкото партнерство на САД и Северна Македонија

Сандра Бошковска