Шчербак: Македонија и Грција имаат право да најдат решение кое ќе им одговара на двете страни

Од:

Многу е битно такви прашања да се решаваат преку преговори и врз основа на почитувањето на заемниот интерес, изјави амбасадорот на Руската Федерација во Македонија, Олег Шчербак одговарајќи на новинароско прашање како Русија гледа на напорите за решавањето на спорот со името меѓу Македонија и Грција.

dobivaj vesti na viber

– Русија ги гледа Македонија и Грција како две суверени независни држави. Затоа двете држави, како и други во слична ситуација, имаат право да изнајдат решение кои би им одговарало на двете страни, рече амбасадорот Шчербак.

Тој вечерва во Прилеп ја отвори изложбата на фотографии „Москва денес“ во рамките на одбележувањето на 24-годишнината од воспоставувањето на дипломатските односи меѓу Македонија и Руската Федерација.

Организатор на изложбата е Амбасадата на Руската Федерација во Македонија. Амбасадорот Олег Шчербак, кој е роден московјанин, изрази задоволство што може на прилепчани низ фотографии да им ја претстави современа Москва.

– Со 12 милиони жители Москва е еден од големите светски градови-престолнини. Во Москва се спојуваат најмодерните технолошко-архитектонски решенија со внимателен однос кон традицијата и наследството од минатото. Годишно Москва ја посетуваат околу 20 милиони туристи. Прилеп е познат по културните, уметничките и обраовните традиции, така и Москва. Ги поканувам жителите на Прилеп да ја посетат Москва во јуни и јули за време на Светското фудбалско првенство, рече амбасадорот Шчербак.

Тој на идната соработка меѓу Македонија и Руската Федерација рече дека гледа со голем оптимизам како на политички, стопански, трговски, така и на културен план.

– По 24-те години дипломатски односи меѓу двете земји, сега нашите односи имаат стабилен карактер. Има потенцијал за развој на односите во сите сфери: на политички, стопански, трговски план, во поглед на инвестициите, во културата и образованието. Многу е битно што нашите односи имаат цврски духовни и историски темели. Токму соработката ја зацврствува взаемната доверба, изјави амбасадорот Шчербак.

На изложбата на фотографии „Москва денес“ присуствуваа и прилепскиот градоначалник Илија Јованоски, како и голем број руски државјани кои живеат во Прилеп и во Македонија.

Би можело да ве интересира

Загина ученик по експлозија во просторија за управување со системот за парно греење во основно училиште во грчкиот град Серес

Ана Ололовска

Пакистан ќе набавува руска нафта и гас по намалени цени

А1он

Ципрас: Случаите со прислушувањата се голем удар за самата демократија и ја ставаат во опасност

А1он

Во експлозија на руски аеродром, има загинати и повредени

Запален автомобилот на дипломатка од италијанската амбасада во Атина

Ана Ололовска

Русија: Успешно тестиравме нова ракета за противракетна одбрана

Ана Ололовска