Новинарот на порталот МКД.мк, Бојан Шашевски за време на вчерашниот протест е претепан од полицијата.
Голем дел од демонстрантите се разбегаа, а јас ја извадив картичката „ПРЕС“, ја кренав во вис и очекував професионален разум. Полицаец со пендрек ме удри силно по грбот. Повторно му ја покажав картичката, овој пат пред лице. Извикав „Новинар сум, што правиш, човече!?“ Наивно, со отворен ум, помислив полицаецот минал елементарен етички образовен стадиум. Ме удираше уште посилно, крвнички – вели Шашевски.
Шашевски потседува дека на протестот бил да известува за МКД.мк за народниот револт.
И денеска, вели тој, и покрај болката од ќотекот ќе ја извршува својата професионална задача и ќе известува од протестот.