Шахпаска: 18 деца и 120 вработени во градинките заболени од Ковид-19

Од:

Во градинките низ државата има регистрирани 18 деца позитивни на коронавирусот и 120 вработени од кои 51 негувател, 51 воспитувач, а останатите се вработени како помошен персонал во детските установи, информираше министерката за труд и социјална политика Јагода Шахпаска, повикувајќи се на неделниот извештај од здравствените власти.

Министерката рече дека состојбата будно се следи во градинките и повика на почитување на протоколите затоа што според неа заразата не се шири меѓу децата туку доаѓа од надвор.

„Ја следиме епидемилошката состојба во градинките со новозаболени дечиња и вработени и ова се бројките кои ги добивме од последниот извештај во петокот. За сега имаме над 1.200 деца кои се во изолација како превентивна мерка поради контакт со заболено лице. Сепак ќе кажам дека инфекцијата во градинките не се шири меѓу дечињата. Тоа го докажуваат здравствените власти врз основа на извештаите. Инфекцијата во градинките доаѓа од надвор. Показател за тоа е поголемиот број на позитивни возрасни коишто се вработени во градинките“, рече Шахпаска на денешната прес-конфернеција.

Градинките започнаа со работа на 9 септември со строги здравствени протокли. На вработените и на децата им се мери температура при влезот во установата, а вработените се должни во текот на целиот работен ден да носат маски. Дезинфекција на масите, столовите, кваките се врши на секои два часа.

Би можело да ве интересира

Грип, ковид и инфекции на дишните патишта ги полнат амбулантите и болниците

Ковид-19 од денес е обична заразна болест, укинати и последните мерки за носење маски

Орце Костов

Пендаровски го потпиша Указот за новиот Закон за амнестија за прекршоците во ковид кризата

Катерина Ѓуровски

Три години откако СЗО прогласи пандемија од Ковид-19, вирусот се уште присутен, но со намален интензитет

Ана Ололовска

Најзаразниот сој досега, „кракен“, не е откриен кај нас, но последната анализа е направена на 5 декември

Осум починати, 196 нови случаи на Ковид-19 минатата недела

Ана Ололовска